Archive for ઓગસ્ટ, 2010

ઇચ્છા- મૃત્યુ નું કોઇ વરદાન તો આપો…..

Posted in Uncategorized on ઓગસ્ટ 28, 2010 by ektadesai

ન આવી શકો જો મને લેવા તમે તો

તમારા સુધી પહોંચવાની મંજુરી તો આપો

ન બની શકો જો મંઝીલ તમે તો

પાછા વળવાનો કોઇ રસ્તો તો આપો

ન બની શકો જો મધુર યાદ તમે તો

તમને ભુલવાની કોઇ તરકીબ તો આપો

ન આપી શકો જો ઇચ્છા મુજબ નું જીવન તો

ઇચ્છા- મૃત્યુ નું કોઇ વરદાન તો આપો

એકતા

‘ઝંખના’ ની પેલે પાર રાહ જોવે છે આંખો….

Posted in Uncategorized on ઓગસ્ટ 28, 2010 by ektadesai

લખવા બેસુ ને અટકાય છે કલમ

લાગણી ના નામે કેવા ભરમાય છે શબ્દો

નથી હોતો તું છતાંય વરતાય છે અસર

નામ આવતા તારુ કેવી બદલાય છે નજરો

નામ તારુ રોપું ને મ્હોરી ઊઠે છે ખૂશ્બુ

જુઓ ઊડે-ઊડે કેવો ઊગી નીકળે છે ખાલીપો

‘ઝંખના’ ની પેલે પાર રાહ જોવે છે આંખો

પણ આપી ગયા તમે કેવા નહીં મળવાના વચનો

એકતા

અને હવે બધા મને બળવાખોર કહે છે..!!!!

Posted in Uncategorized on ઓગસ્ટ 1, 2010 by ektadesai

સપનાઓ ને આંખો મા આવવાની સખ્ત મનાઇ હતી, વાસંતી વાયરાઓ માટે પણ કોઇ જગ્યા નહતી, પાંખો ને મારી મેં જ કાપી ને પિંજરા મા પૂરી હતી અને વરસાદ ને પણ વરસવાની કાયમી મનાઈ હતી. આટ-આટલી સખતાઇ છતાં પણ આજે અચાનક થી જ કેટલાક બળવાખોર વરસાદ ના ટિપાંઓ મારી બારી માથી આવ્યા અને મને ભીંજાવી ગયા..!!

આટલું પુરતું ન હોય તેમ મારી બેરંગ આંખો મા ઇન્દ્ધધનુષી સ્વપ્નાઓ સજાવી ગયા…પિંજરામા પુરેલી મારી પાંખો ને આકાશ બતાવી ગયા…કે જાણે એ થોડા ટિપાં, મને આખી ને આખી વહેવડાવી ગયા..!!!

અને હવે બધા મને બળવાખોર કહે છે..!!!!

એકતા